ಕನ್ಯಾ ದಾನ

ವಧುವಿನ ತಂದೆ ತಾಯಿ ಹೇಳಿ
ವರನ ತಂದೆ ತಾಯಿಗೆ
ಧನ್ಯವಾದಗಳು ತಮ್ಮ ಈ ಅನುಪಮ
ಆಸ್ತಿಯನ್ನು ಇಷ್ಟು ದಿವಸ
ನಮ್ಮ ಮನೆಯಲ್ಲಿ ಇಟ್ಟುಕೊಳ್ಳಲು
ಅವಕಾಶ ಮಾಡಿ ಕೊಟ್ಟದ್ದಕ್ಕೆ || ೧ ||

ವರನ ತಂದೆ ತಾಯಿ ಹೇಳಿ
ವಧುವಿನ ತಂದೆ ತಾಯಿಗೆ
ಧನ್ಯವಾದಗಳು ನಮ್ಮ ಈ  ಅತ್ಯಂತ
ಬೆಲೆ ಬಾಳುವ  ಸಂಪತ್ತನ್ನು
ಇಷ್ಟು ಚೆನ್ನಾಗಿ ರಕ್ಷಿಸಿ ಬೆಳಿಸಿ

ನಮಗೆ ಹಿಂತಿರುಗಿ ಕೊಟ್ಟಿದ್ದಕ್ಕೆ|| ೨ ||

ವಧುವನ್ನು ಕರೆದು ಕೊಂಡು ಹೋಗಿ
ವರನ ಮನೆಗೆ  ವಧು ತನ್ನದೇ ಮನೆಗೆ
ಹಿಂತಿರುಗಿ  ಬರುತ್ತಿರುವ ಹಾಗೆ
ಅದೆಷ್ಟು ಸುಂದರ ಮದುವೆಯ
ಪರಿಕಲ್ಪನೆ ವೈದಿಕ ಧರ್ಮದಲ್ಲಿ || ೩ ||