ಆಧ್ಯಾತ್ಮ ಏಕೆ ಏಕೆ

ಲೌಕಿಕಕದ ಮಾನವ ರೂಪಿಸಿದ
ಸಂಗತಿಗಳಿಗಿದೆ ತರ್ಕದ ಪರಿಧಿ
ಕೇಳಬಹುದಲ್ಲ ಕೇಳಲೇಬೇಕು
ಪ್ರತಿಯೊಂದಕ್ಕೂ ಏಕೆ ಏಕೆ ಎಂದು || ೧ ||

ಆಧ್ಯಾತ್ಮದ ವಿಷಯಗಳ ವಿಸ್ತಾರ
ಮೀರಿದೆ ಮಾನವ ನಿರ್ಮಿತ
ತರ್ಕದ ಪರಿಧಿಯನ್ನು
ಕೇಳಿ ತಿಳಿಯಲಾಗದು
ಎಲ್ಲವನ್ನು  ಏಕೆ ಏಕೆ ಎಂದು || ೧ ||

ಭಗವಂತ ಏಕೆ ಸೃಷ್ಟಿ ಮಾಡಿದ
ನಾವೇಕೆ ಹೀಗೆ ಇದರ ಉದ್ದೇಶವೇನು
ಅದರ ಉದ್ದೇಶವೇನು ಎಂದು
ಕೇಳುವದರಲ್ಲಿ ತಪ್ಪಿಲ್ಲ ಆದರೂ
ವಿಷಯ ನಮ್ಮ ಗ್ರಹಿಕೆಗೆ ಮೀರಿದ್ದು || ೩ ||

ಆಧ್ಯಾತ್ಮದ ಬಗ್ಗೆ ನಮ್ಮ ಉದ್ದೇಶವೇನಿದ್ದರೂ
ನಾವು ನಮ್ಮ ಜೀವನದಲಿ ಇರಬೇಕಾದ
ರೀತಿ ನೀತಿ ಏನು ಅದನು ಮಾಡಿ
ಅನುಭವಗಳ ಗರಡಿಯಲಿ ಪರಿಶೀಲಿಸಿ
ಅಳವಡಿಸಿಕೊಳ್ಳಬೇಕೆಂದೇ ವಿನಃ
ವಿತಂಡ ವಾದದ ಕಾಲಕ್ಷೇಪ ಮಾಡಿ
ಕಾಲ ವ್ಯರ್ಥ ಮಾಡುವುದಲ್ಲ  || ೪ ||